ज्वालामुखी बिस्फोटपछि इन्डोनेसियामा सुनामी: ४३ जनाको मृत्यु, ५८४ घाइते
मकालु खबर
२०७५ पुस ८ गते
पुस ८, काठमाडौं । इन्डोनेसियामा ज्वालामुखीपछि आएको सुनामीमा परि कम्तीमा ४३ जनाको मृत्यु भएको छ भने ५८४ जना घाइते भएका छन् ।
इन्डोनेसियाको सुन्डा स्ट्रेट (खाडी) नजिकैको तटीय इलाकामा क्रिकाटोआ ज्वालामुखी बिस्फोट भएपछि समुन्द्रभित्र गएको पहिरोका कारण सुनामी गएको हो ।
null
सुनामीमा परि कयौँ व्यक्ति हराइरहेका छन् भने दजनौँ भवन क्षति भएको बताइएको छ । हराइरहेका तथा घाइतेको संख्या धेरै भएकाले मृत्युको संख्या बढ्न सक्ने अनुमान गरिएको छ ।
सुनामीले सबैभन्दा धेरै पांडेलाङ, दक्षिण लाम्पुङ र सेराङ क्षेत्रमा क्षति पुर्याएको छ ।
इन्डोनेसिया ज्वालामुखी विस्फोट तथा भूकम्पको चपेटामा पर्दै आइरहेको छ । गत सेप्टेम्बरमा मात्रै भूकम्पपछि आएको सुनामीमा परी त्यहाँ २ हजारले ज्यान गुमाएका थिए ।
मकालु खबर
२०७५ पुस ८ गते
प्रतिक्रिया
सम्बन्धित