ट्रकको ठक्करले पत्रकार प्रवीण पौडेलको निधन
मकालु खबर
२०७५ पुस १३ गते
पुस १३, चितवन । एपी वान टेलिभिजनका पत्रकार तथा क्यामेरा पर्सन प्रवीण पौडेलको मृत्यु भएको छ ।
पूर्वी चितवनको टाँडीमा ट्रकले ठक्कर दिँदा उनको शुक्रबार मृत्यु भएको हो ।
null
बिहान ११ बजेतिर रत्ननगरस्थित निपनी चोकबाट सौराहा जाँदै गरेका पौडेल सवार बा १ प ९२१ नम्बरको स्कुटरलाई ना २ ख २१६६ नम्बरको ट्रकले ठक्कर दिँदा दुर्घटना भएको हो ।
ठक्करबाट गम्भीर घाइते भएका पौडेललाई भरतपुर अस्पचाल पुर्याइएको थियो । उनको उपचारका क्रममा मृत्यु भएको प्रहरीले जनाएको छ ।
उनको शव भरतपुर अस्पतालको शव गृहमा राखिएको छ । ठक्कर दिने ट्रक र चालक इलाका प्रहरी कार्यालय टाँडीको नियन्त्रणमा रहेको प्रहरीले जनाएको छ ।
मकालु खबर
२०७५ पुस १३ गते
प्रतिक्रिया
सम्बन्धित