योजना आयोग उपाध्यक्ष नियुक्ती सँगै प्रदेश सरकार विवादमा तानियो

बिराटनगर, कात्तिक १४ । १ नम्बर प्रदेश योजना आयोगको उपाध्यक्षमा मानवअधिकारक्रर्मी सुबोधराज प्याकुरेललाई नियुक्ति गरेसँगै राजनीतिवृतमा नयाँ तरंग पैदा भएको छ । 

प्रदेश सरकारले मानवअधिकारवादी संस्था इन्सेकमा सक्रिय हुँदै आएका प्याकुरेललाई राज्यमन्त्रीसरहको सेवा सुविधा पाउने उपाध्यक्षमा बुधबार मन्त्री परिषद्बाट निर्णय गरी आयोगको उपाध्यक्षमा नियुक्ति गरेको थियो । 

प्रदेश सरकारको काम कार्वाही आफैंमा प्रभावकारी हुन नसकेको बेला आयोगको उपाध्यक्षमा प्याकुरलेको नियुक्तीले सरकार विवादमा तानिने देखिएको छ । विराटनगरबाट २० वर्ष अगाडि काठमाडौँ बसाई सरेका प्याकुरेल वाणिज्यशास्त्रका विद्यार्थी भएपनि योजना निर्माणका विज्ञ भने होइनन् । 

null

लामो समयदेखि उनी मानवअधिकारको क्षेत्रमा NGO  मार्फत सक्रिय रहँदै आएका छन । आर्थिक मामिलाका जानकार डा. अर्जुन बरालले प्रदेश सरकारले आयोगको उपाध्यक्षमा नियुक्ती गरेका प्याकुरेल विषय विज्ञ भन्दा पनि राजनीतिमा प्रभावको नियुक्ती भएको बताए । 

उनले भने ‘प्रदेशसरकारका मन्त्रीहरुलाई जे सहज भयो त्यही गर्नुभएको होला, तर, विषय विज्ञ भने उहाँ होइन, विज्ञलाई नियुक्ति गरेको भए राम्रो हुनेथियो ।’ जानकारका अनु्सार आर्थिक, भूगोल, कृषि, पर्यटन जस्ता क्षेत्रका विज्ञलाई आगोगमा राखिने गरिन्छ । तत्कालिन नेकपा एमाले मोरङको उपसचिव हुँदै विराटनगर उप–महानगरपालिकाको उपमेयर र संसदमा पराजित भएका प्याकुरेल २०५१ सालपछि केही समय विराटनगर जुटमिलको अध्यक्ष बनेका थिए । त्यसपछि काठमाडौं हान्निएका उनी त्यहीका स्थायी बासिन्दा हुन् । प्याकुरेलको परिवार तत्कालिन नेकपा एमाले निकट रहेर बारम्बार राज्यका उपल्लो पदधारण गर्ने र सेवा सुविधा प्राप्त गर्नेहरुमध्ये पर्दछन् । 

उनका दाजु सुशिल प्याकुरेल इन्सेक अध्यक्ष हुँदै तत्कालिन एमालेकै सिफारिसमा राष्ट्रिय मानवअधिकार आयोगको सदस्य र हाल दोस्रो कार्यकालका लागि राष्ट्रपति विद्यादेवी भण्डारीको सल्लाहकारको रुपमा रहेका छन् । 

उपाध्यक्षमा सिफारिस प्याकुरेलका भाई सुमन प्याकुरेल राष्ट्रिय सभाका सदस्य छन् भने उनका भाञ्जा कुन्दन अर्याल प्रधानमन्त्री केपी ओलीका प्रेस सल्लाहकार रहेका छन् । विज्ञ नभए पनि उच्च राजनीतिक पहुँचकै कारण प्याकुरेल योजना आयोगको उपाध्यक्ष बन्न सफल भएका हुन् । 

प्रदेश सरकारले ५ सदस्यीय योजना आयोग बनाउने भएपनि उपाध्यक्षसहित अन्य २ सदस्य मात्र नियुक्त गरेको छ । सहायक मन्त्रीसरहको सुविधा पाउने सदस्यहरुमा पाँचथरका पूर्ण लक्सम र मोरङकी मिना भण्डारी रहेका छन् । 

पाँचथर निवासी लक्सम बेलायतको क्याम्ब्रिज विश्वविद्यालयबाट आर्थिक विकास विषयमा विद्यावारिधी गरिरहेका व्यक्ति हुन् भने भण्डारी मोरङ इटहराकी हुन् । एमबिए सम्मको अध्ययन गर्नुभएकी भण्डारी एडिबीको कन्सल्टेन्टको रुपमा कार्यरत रहेको मुख्यमन्त्रीको सचिवालयले जनाएको छ ।  

प्रतिक्रिया

Leave a Reply

Your email address will not be published. Required fields are marked *