सिरियाबाट उडेको रुसी सैन्य विमान बेपत्ता

“

काठमाडौँ, असोज २ । रुसमा सिरियाबाट १४ जना सवार रुसी सैन्य विमान बेपत्ता भएको छ । सिरियाबाट रुसको लाताकिया शहरका लागि उडेको विमान बेपत्ता भएको हो ।

१४ जना सैनिक सवार रुसी आइआइ–ट्वेन्टी विमानको सम्पर्क भूमध्ये सागरको माथि उडिरहेका बेला टुटेको हो ।

सिरियाको हवाई क्षेत्रमा उडान भरेपछि १४ जना रहेको सैनिक विमान राडारबाट हराएको रुसको रक्षा मन्त्रालयले जनाएको छ । नेपाली समय अनुसार मंगलबार बिहान पौने २ बजेदेखि विमानसँगको सम्पर्क टुटेको हो ।

रुसले सन् २०१५ देखि सिरियामा सैन्य आक्रमण गर्दै आएको छ । राष्ट्रपति बसर अल–असदको आग्रहमा रुसले त्यहाँ सैन्य अभियान चलाइरहेको हो ।

सिरियामा गएको सात वर्षदेखि गृह युद्ध चलिरहेको छ । अहिलेसम्म गृह युद्धका कारण तीन लाख ५० हजार भन्दा बढीको ज्यान गएको छ ।

“