संविधान दिवस हर्षोल्लासपूर्वक मनाउन सरकारको आग्रह

“काठमाडौँ, भदौ २८ । सरकारले संविधान दिवस एवं राष्ट्रिय दिवस २०७५ लाई भव्य रुपमा मनाउन सबैमा आग्रह गरेको छ । गृह मन्त्रालयले यहि असोज २, ३ र ४ गते संविधान दिवस एवं राष्ट्रिय दिवसलाई हर्षोल्लासपूर्वक  मनाउन आग्रह गरेको हो ।

सरकारी, गैर सरकारी निकाय, संघसंस्था एवं सर्वसाधारणलाई तीन दिन विभिन्न कार्यक्रम साथ संविधान दिवस मनाई साँझ घरघरमा दिपावली गर्न मन्त्रालयद्वारा जारी सूचनामा आग्रह गरिएको छ ।

नेपालको संविधान २०७२ जारी भएको दिन प्रत्येक वर्ष यो दिवस मनाउने गरिन्छ ।”