पश्चिम अस्ट्रेलियामा एक घरमा ५ जनाको शब फेला

“

सिड्नी, भाद्र, २४ । पश्चिम अस्ट्रेलियाको पर्थमा एक घरमा बालबालिका सहित कम्तीमा पाँच जनाको शब भेटिएको स्थानीय प्रहरी अधिकारीहरुले जानकारी दिएका छन् ।

बालबालिका सहित धेरै जनाको शब भेटिएको प्रहरीको वक्तव्यमा उल्लेख गरिएको छ । अनुसन्धाताहरुले मृतकको एकिन संख्या खुल्न नसकेको र मृतकहरुको उमेर र लिङ्ग पहिचान पनि हुन नसकेको प्रहरीले बताएको छ ।

प्रहरी समक्ष एकजना लगभग २० वर्षको उमेरका व्यक्तिले आत्मसमर्पण गरी शबका बारेमा जानकारी दिएका थिए । प्रहरीले भनेका छन् , “ती व्यक्ति प्रहरीको नियन्त्रणमा छन् र घटनाको यथार्थता बताउन प्रहरीलाई सहयोग गरिरहेका छन् ।”

प्रहरी नियन्त्रणमा रहेका ती व्यक्तिसँग मृतकहरुको सम्बन्धका बारेमा पनि प्रहरीले अनुसन्धान जारी राखेको छ । बिगत केहि समय देखि अस्ट्रेलियामा व्यक्ति हत्याका घटनाहरु दिनानु बढी रहेको छ । हालै मात्र सिड्नीमा एक बाबुले छोरा र छोरीलाई गोली हानी हत्या गरेपछि आफैं आत्महत्या गरेका थिए ।

त्यस्तै पश्चिम अस्ट्रेलियामा पनि एक जना हजूरबाबुले आफ्नी पत्नी, छोरी र चारजना नातिनातीनाको हत्या गरेर आत्महत्या गरेको प्रहरीले जानकारी दिएका छन् ।

“