प्रहरीका गतिविधि अनुुगमन गर्न गृहले बनायो समिति

“काठमाडौँ, भदौ २१ । गृह मन्त्रालयले मातहतका प्रहरी कार्यालयमा अनुगमन गर्न पाँच सदस्यीय अनुगमन टोली बनाएको छ ।

सुरक्षा तथा समन्वय महाशाखाका प्रमुख एवं सहसचिव रामकृष्ण सुवेदीको संयोजकत्वमा अनुगमन टोली बनाएको हो। प्रहरीको कार्यसम्पादनबारे जनस्तरबाट धेरै गुनासो आएपछि गृहले मन्त्रीस्तरीय निर्णय गरेर समिति बनाएको हो ।

टोलीलाई देशभरका प्रहरी कार्यालयका प्रमुख तथा मातहतका प्रहरी अधिकारीको गतिविधि अनुगमन गर्ने जिम्मेवारी तोकिएको छ।

मन्त्रालयमा प्रहरी कर्मचारीविरुद्ध धेरै उजुरी पर्न थालेपछि गृहमन्त्री रामबहादुर थापाले अनुगमन टोली गठन गरेका हुन्।”