एसिया कप छनोटमा नेपालले मलेसियाको सामना गर्दै

“काठमाडौँ, भदौ १६ । एसीसी एसिया कप छनोटमा सुरुका दुुई खेलमा पराजित भएको नेपालले आज मलेसियासँग खेल्दैछ । आगामि महिना युुएईमा हुने एसियाकप खेल्ने आशा जिवितै राख्नका लागि नेपालले आजको खेल जित्नै पर्ने हुन्छ ।

तर त्यतिमात्रै पुुग्दैन, अरुको खेलमा भरपर्छ । एसिया कपमा संभावना भने न्युन भैसकेको छ ।

शनिबार बिहान ७ः१५ बजे मलेसियाको किनरारा ओभल मैदानमा नेपाल र मलेसियाको खेल सुरु हुँदैछ । नेपाल बाँकी सबै तीन खेल जित्नुपर्ने दवाव छ ।

यो खेलमा पनि पराजित भए नेपालको एसिया कप खेल्ने सपना समाप्त हुनेछ ।

पहिलो खेलमा हङकङलाई हराएको मलेसिया दोस्रो खेलमा भने ओमानसँग २ विकेटले पराजित भएको थियो ।”