पाल्पाकामा भाइरल ज्वरोका बिरामी बढ्न थाले
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
पाल्पा, साउन ११ । पाल्पाका विभिन्न अस्पतालमा भाइरल ज्वरोका बिरामी बढ्न थालेका छन् । वर्षायाम शुरु भएसँगै जिल्लाका विभिन्न अस्पताल, क्लिनिकमा भाइरल ज्वरोका बिरामी दिनहुँ बढ्दो अवस्थामा रहेको जिल्ला जनस्वास्थ्य कार्यालय पाल्पाले जनाएको छ ।
एक हप्ता अघिदेखि जिल्लाका विभिन्न अस्पतालमा दैनिकजसो ३० देखि ४० जना जति भाइरल ज्वरोका बिरामी आउने गरेको जनस्वास्थ्य कार्यालयका सूचना अधिकारी माधवप्रसाद ज्ञवालीले जानकारी दिए । भाइरल रोगबाट प्रभावित विशेष गरी पाँच वर्षमुनिका बालबालिका बढी देखा परेको उनले बताए ।
नाकबाट सिंगान बग्ने, हाछ्युँ आउने, ज्वरो आउने, हल्का खोकी लाग्ने, खान नरुच्ने, ज्यान दुख्नेजस्ता भाइरल ज्वरोका लक्षण हुन् । मुख नछोपिकन हाछ्युँ गर्दा, संक्रमण बढ्दा तथा शरीरमा हुने प्रतिरक्षा शक्तिमा कमी हुँदै जाँदा यो रोगले मानिसमा आक्रमण गर्ने गर्दछ ।
“
![](https://www.makalukhabar.com/wp-content/uploads/2023/10/Final-icon-Logo-2023.png)