थमन विक हत्या काण्डः अभियुक्त राज्यमन्त्री शर्माद्वारा आत्मसमर्पण
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
काठमाडौँ, साउन २८ । प्रहरीको फरार सुचिमा रहेका प्रदेश सरकारका सामाजिक विकास राज्यमन्त्री अभिराम शर्माले सोमबार बिहान अदालत समक्ष आत्मसमर्पण गरेका छन् ।
माधवप्रसाद पोखरेल र रवि शर्मा अर्यालको संयुक्त इजलासले प्रदेश २ का सामाजिक विकास राज्यमन्त्री अभिराम शर्मा र जलेश्वर नगरपालिकाका मेयर शंकर साहीसहित प्रतिवादीहरुलाई अविलम्ब पक्राउ गर्न आदेश दिएको हो ।
मधेस आन्दोलनका क्रममा २०७२ भदौ २५ गतेका दिन महोत्तरीको जलेश्वरमा कार्यरत सशस्त्र प्रहरीका असई थमन विकको आन्दोलनकारीहरूले हत्या गरेको भन्दै उनकी पत्नीले महोत्तरी जिल्ला अदालतमा रिट दायर गरेकी थिइन् ।
प्रहरीको सूचीमा फरार भएकै बेला शर्मा प्रदेशसभा सदस्य र साही मेयर चुनिएका थिए । पछि शर्मालाई राज्यमन्त्री बनाइएको थियो । दुवै राजपाबाट निर्वाचित भएका हुन्।
यो मुद्दामा जलेश्वरका मिश्रील माझी, संजयकुमार साह र परिकौलीका मोहन ठाकुर थुनामा छन्। अन्य २८ जना फरार रहेका छन्।
“
![](https://www.makalukhabar.com/wp-content/uploads/2023/10/Final-icon-Logo-2023.png)