भरतपुर अस्पताललाई टर्सरी अस्पताल बनाइनेः स्वास्थ्यमन्त्री यादव

“

भरतपुर, साउन २७ । स्वास्थ्य तथा जनसंख्यामन्त्री उपेन्द्र यादवले भरतपुर अस्पतालको निरीक्षण गरेका छन् ।

निरीक्षणपछि मन्त्री यादवले भरतपुर अस्पताललाई टर्सरी अस्पतालको रूपमा विकास गरिने बताए । निरीक्षणको क्रममा मन्त्री यादवलाई अस्पतालमा आएका बिरामीहरुले व्यहोर्न परेको समस्याबारे बताएका थिए ।

काठमाडौंको वीर अस्पतालपछि सबैभन्दा धेरै बिरामी उपचार गर्ने अस्पतालका रूपमा भरतपुर अस्पताल चिनिएको छ ।

उनले प्रत्येक स्थानीय तहमा प्राइमरी लेबलको अस्पताल निर्माण गरेर भरतपुरलगायतका अस्पतालमा देखिएको भीड कम गर्न सकिने जीकिर गरे ।

“