कर्णाली राजमार्ग अबरुद्ध, हजारौ यात्रु मर्कामा

“

जुम्ला, साउन ९ । पहिरोका कारण कर्णाली राजमार्ग हिजो देखि अवरुद्ध भएको छ । अविरल वर्षाका कारण कर्णाली राजमार्गमा पर्ने दैखोला देखि घट्टे खोला सम्मको करिब १ सय २० मिटर सडक खण्डमा पहिरो खसेकाले राजमार्ग अवरुद्ध भएको हो ।

हिजो साझँ ६ वजेतिर खसेको पहिरोका कारण ५० वटा साना ठुला यातायातका साधन रोकिएको जिल्ला प्रशासन कार्यालय जुम्लाले जानकारी दिएको छ । हिजो साझँबाट बन्द भएको बाटो खुलाउनका लागी सडक डिभिजन कार्यालय जुम्लालाई निर्देशन दिइएको निमित्त प्रमुख जिल्ला अधिकारी टेक बहादुर बुढ्थापाले बताउनु भयो ।

यता सडक डिभिजन कार्यालय जुम्लाका कार्यालय प्रमुख अगंलाल रोकायाले सडक बन्द भएको जानकारी पाउना साथ जे.सि.बी मेसिन र एक्साभेटर पठाएको र पहिरो पन्छाउने काम दुबै तिरबाट भएको उहाँले बताउनु भयो ।

“