डा. गोविन्द केसीसँगको सम्झौता कार्यान्वयन गर्न दबाब
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
काठमाडौं, साउन १२ । डा. गोविन्द केसीसँग गरिएको सम्झौंता अक्षरश कार्यान्वयन गर्न सरकारलाई शनिबारबाट दबाब दिन सुरु गरिएको छ ।
नागरिक समाजका अगुवाहरुले डा. केसीको माग सम्बोधन हुनेगरी नौ बुँदे सम्झौता गरेकोमा धन्यवाद दिँदै अक्षरश कार्यान्वयन गर्न सरकारलाई दबाब दिन सुरु गरेका हुन् ।
शनिबार दिउँसो काठमाडौंको माइतीघर मण्डलामा जम्मा भएका उनीहरुले डा. केसीको माग सम्बोधन गर्न साथ दिने सबैप्रति आभार पनि व्यक्त गरेका छन् ।
अब सरकारले सो सम्झौतालाई अक्षरश पालना गर्ने विश्वास समेत आफूहरुले लिएको नागरिक समाजका अगुवाहरुले बताएका छन् ।
उनीहरुले डा. केसीसँगको सम्झौता अनुसार कानुन निर्माणमा पनि ढिलाई नहुने विश्वास व्यक्त गरे ।
दबाब अभियानमा सहभागी भएकाहरुले ‘गोविन्द केसीसँग भएका सम्झौता अक्षरश पालना होस्’ भन्ने कामनासहितको प्ले कार्डसमेत प्रर्दशन गरेका थिए ।
सरकारले गत बिहीबार डा. केसीसँग नौ बुँदे सम्झौंता गरेपछि त्यसको सबै क्षेत्रबाट स्वागत गरिएको थियो ।
सरकारले सोही सम्झौता बमोजिम शुक्रबार संघीय संसद अन्तरगतको प्रतिनिधिसभाको बैठकमा राष्ट्रिय चिकित्सा शिक्षा विधेयक पेश गरिसकेको छ ।
“
![](https://www.makalukhabar.com/wp-content/uploads/2023/10/Final-icon-Logo-2023.png)