दुधकोसीमा एडिबीको ५० अर्व सहयोग
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
काठमाडौँ, साउन १० । दुधकोसी जलविद्युत आयोजना अगाडि बढाउन एसियाली विकास बैंकले ५० अर्व रुपैयाँ सहयोग गर्ने भएको छ ।
बुधबार उर्जा जलश्रोत तथा सिंचाई मन्त्री वर्षमान पुनसँगको भेटमा एडिबीका आवासीय प्रतिनिधि खामुड खानाले सहयोग गर्ने बताएका हुन् ।
भेटमा उर्जामन्त्री पुनले अब जल विद्युतका आयोजनामा विवाद नआउने बताएका थिए । एडिबीका प्रतिनिधिले जल विद्युतमा लगानी गर्न विशेष चासो देखाएका छन् ।
दुधकोसी परियोजनामा टिबीएमको प्रयोग गरेर भएपनि काम दु्रत गतिमा अघि बढाउने मन्त्री पुनले बताए । उर्जा र जलस्रोत क्षेत्रको समग्र विकासको लागी मार्गचित्र बनाएर अघि बढिएको जानकारी गराउँदै ढुक्क भएर लगानी गर्न आग्रह गरेका थिए ।
आगामी दिनमा जग्गा, वन र वातावरणको समस्या नरहने मन्त्री पुनको दावी छ । एडिबीका प्रतिनिधी खानाले एसियाली विकास बैंकको सहयोगमा संचालित अन्य आयोजनाहरुको प्रगतीको बारेमा समेत चासो राखेका थिए ।
वाग्मती सिंचाई परियोजनामा ५० मिलियन सहयोग गरिसकेको एडिबीले बाग्मती ड्याम निर्माणमा समेत सहयोग गर्ने प्रतिवद्धता जनाएको छ ।
“
![](https://www.makalukhabar.com/wp-content/uploads/2023/10/Final-icon-Logo-2023.png)