भक्तपुर–कोटेश्वरः भोलीदेखि टाइम कार्ड लागु गरिने, ४० किमिमा गति सिमित

“

काठमाडौँ, असार ३२ । महानगरीय ट्राफिक प्रहरी महाशाखाले साउन १ गतेदेखि टाइम कार्ड लागु गर्ने भएको छ ।

भक्तपुरको फराकिलो सडकमा तीव्र गतिका कारण उपत्यकामा बढ्दो सवारी दुर्घटनालाई न्यूनीकरण गर्नका लागि महाशाखाले भक्तपुरको जगातीदेखि कोटेश्वरसम्म साउन १ गतेदेखि टाइम कार्ड लागु गर्ने भएको हो ।

टाइम कार्ड लागू गरेपछि ट्रक, टिपर, भ्यानलगायतका सवारीसाधन भने प्रतिघण्टा ४० किलोमिटरको गतिमा गुड्नुपर्ने महाशाखाले जनाएको छ ।

यस्तै महाशाखाले १ गतेदेखि नै जगाते–कोटेश्वर सडक खण्डको बाँयातर्फ मालबाहक र सार्वजनिक सवारीसाधन तथा दायाँतर्फ मोटरसाइकल, कार, ट्याक्सी, पर्यटकीय बस, कूटनीतिक नियोगका बस सञ्चालन गर्ने गरी योजना बनाएको छ ।

“