बाढीपहिरोमा परि मृत्यु हुनेकाे संख्या २२ पुग्याे, ८ घाइते, २ बेपत्ता
“
काठमाडाैं, असार २० । बाढी र पहिरोमा परि मृत्यु हुनेकाे संख्या २२ पुगेको छ । ८ जना घाइते भएका छन् भने २ जना बेपत्ता भएको गृह मन्त्रालयले जनाएको छ ।
गृह मन्त्रालयले संकलन गरेको तथ्याङक अनुसार पछिल्ला दुई दिनमा कैलालीमा घर भत्किएर १ जनाको मृत्यु भएको छ । भने एक जना घाइते भएका छन् । यस्तै बाँकेमा खोला तर्ने क्रममा डुबेर र पौडि खेल्ने क्रममा डुबेर ४ जनाको मृत्यु भएको छ । सिन्धुलीमा खोलामा डुबेर र बगाएर २ जनाको मृत्यु भएको छ ।
रोल्पामा घर भत्किएर च्याप्दा सुत्केरी सहित ३ जनाको मृत्यु भएको छ । चितवनमा नहरमा डुबेर १ जनाको ज्यान गएको छ । पर्सामा खोला तर्ने क्रममा बगाएर २ जनाको मृत्यु भएको छ ।
२ जना घाइते भएका छन् । काठमाडौमा खोला तर्ने क्रममा १ जनाको मृत्यु भएको छ । सर्लाहीमा खोलाले बगाएर २ जनाको मृत्यु भएको छ भने १ जना घाइते भएका छन् ।
यसैगरी तनहुँमा खोलाले बगाएर १ जनाको मृत्यु भएको छ । १ जना घाइते भएका छन् । उदयपुरमा खोलाले बगाएर १ जनाको मृत्यु भएको छ । १ जना घाइते भएका छन् । यस्तै, सिरहामा पानीकोे खाल्डोमा डुबेर १ जनाको मृत्यु भएको छ । दाङमा खोला तर्ने क्रममा १ जनाको मृत्यु भएको छ ।
मकवानपुरमा घरमाथिको ढिस्को खसेर पुर्दा २ जनाको ज्यान गएको छ । तनहुँमा वर्षाका कारण सालको रुख ढलेर १ जनाको मृत्यु भएको छ भने २ जना घाइते भएका छन् । महोत्तरीमा वर्षाले डुबान भएपछि सर्पले टोकर १ जनाको मृत्यु भएको छ ।
“