अझै दुईदिन अधिकांश स्थानमा मध्यम र केही स्थानमा भारी बर्षा हुन्छ: माैषमविद्
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
काठमाडाैं, असार १९ । केहीदिनयताको निरन्तर झरी अझै जारी रहने भएको छ । मौसम पूर्वानुमान महाशाखाका अनुसार मनसुन न्यूनचापीय रेखा नेपाल तर्फ सरेकोले अझै दुईदिन देशका अधिकांश स्थानमा हल्कादेखि मध्यम र केही स्थानमा भारी बर्षा हुनेछ ।
आज मूलुकको पूर्वी र मध्य भेगका तराई र पहाडी क्षेत्रमामध्यमदेखि भारी वर्षा हुने जल तथा मौसम पूर्वानुमान महाशाखाले जनाएको छ । अन्य ठाउँमा मध्यमस्तरको वर्षा भएपनि पूर्वी र मध्य भेगमा भारी वर्षा हुनसक्ने मौसमविद् बरुण पौडेलले बताउनुभयो ।
बुधबारदेखि अधिकांश भेगमा केही सुधार भएपनि सामान्य भरी भने पर्ने पौडेलले बताउनुभयो । यसैबीच, आज देशको पूर्वी र मध्यभागमा रहेका सबै खोलाहरुमा उच्च बाढी सर्तकता अपनाउन बाढी पूर्वानुमान शाखाले अनुरोध गरेको छ ।
पश्चिमी भुभागमा भने आज उच्च जोखिम हुने नदेखिएको शाखाको भनाइ छ । शाखाका अनुसार भोलिबाट देशका प्रमुख नदीहरुमा बहाब घट्ने पूर्वानुमान गरिएको छ ।
“
![](https://www.makalukhabar.com/wp-content/uploads/2023/10/Final-icon-Logo-2023.png)