सनराइज बैंकको बचतकर्तालाई स्वास्थ्य बिमा सुविधा
“
भरतपुर ३ चैत । सनराइज बैंक नारायणगढ शाखाले बचतकर्तालाई स्वास्थ्य बिमाको सुविधा उपलव्ध गरेको छ । बैंकले बचतकर्तालाई यसअघि नै दुर्घटना बिमाको सुविधा उपलव्ध गर्दै आएको थियो ।
सनराइज बैंक नारायणगढ शाखाले शनिबार कार्यक्रमको आयोजना गरी बचतकर्तालाई स्वास्थ्य तथा दुर्घटना बिमा तथा अन्य इलेक्ट्रोनिक सुविधाहरु उपलव्ध गरेको जानकारी दिएको छ । हरेक बचत खाताका बचतकर्तालाई डबल सुरक्षा भन्ने नाराका साथ सनराइज बैंकले बचतकर्तालाई स्वास्थ्य बिमा तथा इलेक्ट्रोनिक सुविधाहरु थप गरेको बैंकका नारायणगढ शाखाका प्रबन्धक प्रकाश कस्तीले जानकारी दिए ।
स्वास्थ्य बिमा हरेक बचत खाताका ग्राहकले उपयोग गर्न पाउने उनको भनाइ थियो । सनराइज बैंकसँग सहकार्य भएका अस्पतालहरुमा उपचार गराउँदा ग्राहकले विशेष छुट पाउनेछन् । खाता खोलेको दिनदेखि नै बचतकर्ताले सनराइज बैंकले दिएको सेवासुविधाहरु पाउने बैंकका प्रबन्धक कस्तीले बताए ।
“