ट्याक्सी र मोटरसाइकल ठोक्किदा भक्तपुरमा एकजनाको मृत्यु

“

भक्तपुर, माघ ५ । भक्तपुरमा ट्याक्सीसँग दुई वटा मोटरसाइकल ठोक्किदा एक जनाको मृत्यु भएको छ । सिर्जननगरमा बा २ ज २०४१ नम्बरको ट्याक्सीमा बा ४४ प ५१५२ नम्बरको मोटरसाइकल र बा ८५ प ७०४६ नम्बरको मोटरसाइकल ठोक्किएको ट्राफिक प्रहरीले जनाएको छ  ।

दुर्घटनामा बा ४४ प ५१५२ नम्बरको मोटरसाइकलका चालक दोलखाका ३५ वषीय रोशनकुमार बस्नेतको मृत्यु भएको  ट्राफिक प्रहरीले जनाएको छ । दुर्घटनामा काभ्रेका केदार खनाल, दोखलामा मनोज योन्जन रामेछापका दावा मोक्तान घाइते भएका छन । उनीहरुको भक्तपुर अस्पतामा उपचार भइरहेको छ ।

“