प्रदेशसभा सांसद टुङ्गो लगाउने ‘डेडलाइन’ : बबरमहलदेखि बालुवाटार व्यस्त !
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
काठमाडौं, पुष १४। समानुपातिक सांसद्को नामावली टुंग्याउने आज अन्तिम दिन दलहरु बालुवाटारदेखि पार्टी केन्द्रीय कार्यालयको बैठकमा व्यस्त भइ लागि परेका छन् ।
प्रदेशसभा समानुपातिक सांसदको नामावली टुंग्याउन साढे दश बजेदेखि नेपाली कांग्रेसको केन्द्रीय कार्यसम्पादन समिति बैठक प्रधानमन्त्री निवास बालुवाटारमा बसिरहेको छ । त्यस्तै, यता राष्ट्रिय जनता पार्टी (राजपा) नेपाल अध्यक्षमण्डलको बबरमहलमा र कोटेश्वर पेरिसडाँडामा माओवादी केन्द्रको केन्द्रीय कार्यालय बैठक बसिरहेको छ ।
निर्वाचन आयोगले पठाएको पत्रअनुसार आज नै दलहरुले प्रदेश सभाका समानुपातिक सांसदको नामावली बुझाउनुपर्ने हुन्छ । समानुपातिकतर्फ प्रदेशसभामा सिट प्राप्त गर्ने ११ दल रहेका छन् । आयोगले दललाई ७ दिनभित्र नामावली बुझाउन पत्राचार गरेको थियो । नेकपा एमाले, विवेकशील साझा, संघीय समाजवादी फोरम नेपाललगायतका राजनीतिक दलले भने यसअघि नै नामावली टुंगो लगाइसकेका छन् ।
“
![](https://www.makalukhabar.com/wp-content/uploads/2023/10/Final-icon-Logo-2023.png)