रूनीकाे ह्याट्रिकमा एभर्टन विजयी

“

एजेन्सी । म्यानचेस्टर युनाइटेडबाट आफ्नो पुरानो क्लब एभर्टन गएका वायने रुनीले इंग्लिस प्रिमियर लिग अन्तर्गत बुधवार राति भएको खेलमा ह्याट्रिक गरेका छन् । घरेलु मैदानमा भएको खेलमा एर्भटनले वेष्ट ह्यामलाई ४–० ले हराउने क्रममा रुनीले ह्याट्रिक गरेका हुन् ।

उनले प्रिमियर लिगमा पछिल्लो ६ वर्षमा पहिलो पटक ह्याट्रिक गरेका हुन् । उनले यसअघि सन् २०११ को सेप्टेम्बरमा बोल्टनसँगको खेलमा ह्याट्रिक गरेका थिए । १८ र २८ औँ मिनेटमा गरी पहिलो हाफमा दुई गोल गरेका रुनीले ६६ औँ मिनेटमा हाफवेबाट सुन्दर गोल गर्दै ह्याट्रिक पूरा गरेका हुन् । ह्याट्रिम पूरा गर्नुअघि पाएको पेनाल्टीमा भने उनी चुकेका थिए ।

एभर्टनका लागि ७८ औँ मिनेटमा विलियमसले एक गोल गरे । जितपछि एभर्टन चार स्थान माथि उक्लिँदै १३ औँ स्थानमा आएको छ । उसको १४ खेलबाट १५ अङ्क भएको छ । यस्तै राति नै भएको अर्काे खेलमा बर्नलीले बोर्नमाउथलाई २–१ ले हराएर तीन अङ्क जोड्न सफल भयो ।

“