बार्सिलोना च्याम्पियन्स लिगमा गोलरहित बराबरीमा रोकियो

“

एजेन्सी– बार्सिलोनालाई च्याम्पियन्स लिगको समूह चरणको खेलमा ग्रीसको ओलम्पियाकोसले गोलरहित बराबरीमा रोकेको छ । ५ वर्षको अवधिमा बार्सिलोना पहिलो पल्ट च्याम्पियन्स लिगको समूह चरणको खेलमा गोल गर्नबाट चुकेको हो ।

लुइस सुआरेजको एउटा बल क्रसबारमा लागेर फर्किएपछि बार्सिलोना गोल गर्नबाट बञ्चित भयो । सुआरेजले यो सिजनको च्याम्पियन्स लिगको अहिलेसम्मको खेलमा गोल गर्न सकेका छैनन् । तर, ओलम्पियाकोससँग अंक बाँडेको बार्सिलोना दुई खेल खेल्न बाँकी रहँदै नकआउट चरणका लागि छानोट भएको छ ।

बार्सिलोना समूह ‘डी’ मा युभेन्ट्सभन्दा ३ अंकले माथी रहँदै शीर्षस्थानमा छ । युभेन्ट्स पनि मंगलबार रातीको खेलमा स्पोटिङ लिस्बन विरुद्ध १–१ गोलमा रोकिएको थियो । बार्सिलोनाको ४ खेलबाट १० अंक भएको छ ।

“