बर्षासंगै पोखरामा आएको भेलले एक जना बेपत्ता

“

कार्तिक ५,पोखरा । पोखरामा गएराती (शनिवार) परेको मुसलधारे वर्षापछि आएको पानीको भेलले बगाउँदा स्थानीय पिजन पुन बेपत्ता भएका छन् ।

पोखरा लेखनाथ महानगरपालिका १६ लामाचौरबाट मोटरसाइकलमा बगर तर्फ आउँदै गरेका पुन उपल्लोदीपको गोर्खा बोर्डिङ स्कुल नजिक नालीमा खसेका थिए । मोटरसाइकल नालिमा खसेपछि पिजन पुन बेपत्ता भएका छन् भने एक जना घाइते भएका छन् । घाइते उपचार पछि घर फर्कीएको प्रहरीले जनाएको छ ।

मुसलधारे वर्षाले सडक नाला पुरै भरिएपछि मोटरसाइकल अनियन्त्रीत भई पुन नालामा खसेर बेपत्ता भएको बताइएको छ । उनीहरू सवार ग १३ प ३११० नम्बरको मोटरसाइकल नालामा अड्कीएको अवस्थामा फेला परेको थियो । बेपत्ता पुनको खोजीकार्य जारीरहेको पोखरा प्रहरीले जनाएको छ ।

उद्धार र खोजी कार्यमा ढिलासुस्ती भएको भन्दै स्थानीय र पीडितका आफन्तहरु प्रहरी प्रति आक्रोशित भएका छन् ।

“