नेपाललाई यु–१९ पूर्वी क्षेत्र क्रिकेटको उपाधी
![](https://www.makalukhabar.com/wp-content/uploads/2023/10/Final-icon-Logo-2023.png)
![](https://www.makalukhabar.com/wp-content/uploads/2021/01/nophoto.png)
“
असोज १, काठमाडौँ । नेपाल एसिसी यु १९ पूर्वी क्षेत्र क्रिकेट प्रतियोगिताको च्याम्पियन बनेको छ । मलेसियामा आज सम्पन्न फाइनलमा हङकङलाई ५ विकेटले हराउँदै नेपाल च्याम्पियन बनेको हो ।
यो उपलब्धिसँगै नेपाल अर्को महिना मलेसियामा हुने एसिसी यु १९ एसिया कपका लागि छनोट भएको छ । एसिया कपमा टेष्ट मान्यता प्राप्त राष्ट्रको सहभागिता समेत रहनेछ ।
नेपालले सुरुवातमा ३९ रन बनाउदा ३ विकेट गुमाइसकेको थियो । जसमा ओपनरद्वय सन्दिप सुनार र आसिफ शेख सहित अनिल शाह पविलियन फर्किसकेका थिए ।
नेपालका लागि सुनारले १९ तथा शाहले १६ रन बनाए भने आसिफ १ रनमा सीमित भएका थिए । कत्पान दीपेन्द्र सिंह ऐरीले सर्वाधिक २२ रन जोडे भने सुमित महर्जनले रनको खाता खोल्न सकेनन् । प्रनित थापा मगरले १५ औँ ओभरको तेस्रो र चौथो बलमा छक्का प्रहार गर्दै विजयी रन जोडेका थिए ।
प्रतियोगितामा विना दबाब अघि बढेको नेपालका लागि पहिलो पारिमा नेपालका लागि सहाब आलमले ३, सन्दीप लामिछानेले ३ तथा कप्तान दीपेन्द्र र अनिल शाहले समान १ विकेट लिएपछि हङकङलाई ३२ं।१ ओभरमा ७६ रनमा अलआउट गरेको थियो ।
“
![](https://www.makalukhabar.com/wp-content/uploads/2023/10/Final-icon-Logo-2023.png)