विद्युत् भार कटौती अन्त्यका लागि सरकारलाई व्यवसायीको साथ आवश्यक

“

काठमाडौं, साउन २१ । ऊर्जामन्त्री महेन्द्रबहादुर शाहीले औद्योगिक क्षेत्रमा हुँदै आएको विद्युत् भार कटौती अन्त्यका लागि सरकारले उद्योग व्यवसायीको साथ खोजेको बताउनुभएको छ । उद्योग संघ मकवानपुरले आज हेटौँडा औद्योगिक क्षेत्रमा आयोजना गरेको स्वागत समारोहमा मन्त्री शाहीले यस्तो बताउनु भएको हो ।

औद्योगिक क्षेत्रमा हाल दैनिक तीन घण्टा विद्युत् कटौती हुँदै आएको छ । मन्त्री शाहीले विकासको महत्वपूर्ण आधारको रुपमा सडक र ऊर्जा नै भएको हुँदा त्यसका लागि सरकारले विभिन्न उपाय अपनाएर काम गरिरहेको उल्लेख गर्नुभयो । कार्यक्रममा विद्युत् प्राधिकरणका कार्यकारी निर्देशक कुलमान घिसिङले माथिल्लो तामाकोशी जलविद्युत् आयोजना सञ्चालनमा आएपछि सम्पूर्ण औद्योगिक क्षेत्रको विद्युत् भार कटौती अन्त्य हुुने बताउनुभयो ।

“