विद्युतीय मोटरबाट करेन्ट लागेर २ जनाको मृत्यु

काठमाडौँ । मोरङ, विराटनगर महानगरपालिका–५ कोचाखाल बस्ने २० वर्षीया संजु सहनीको करेन्ट लागेर बुधवार बिहान मृत्यु भएको छ ।

कटहरी गाउँपालिका–४ नयाँबजारस्थित माइतीघरमा पानी तान्ने विद्युतीय मोटर चलाउने क्रममा करेन्ट लागेर उनको घटनास्थलमै मृत्यु भएको हो ।

त्यस्तै सिराहा, बरियारपट्टि गाउँपालिका–२ बरियारपट्टी बस्ने ४५ वर्षीय देव यादवको करेन्ट लागेर मंगलबार राति मृत्यु भएको छ ।

सोही गाउँपालिका–४ तिन्नापडी चौरस्थित खेतमा रहेको विद्युतीय मोटरबाट करेन्ट लागेर गम्भीर घाइते भएका उनको उपचारको लागि लैजाने क्रममा बाटोमा मृत्यु भएको हो ।

यस सम्बन्धमा आवश्यक अनुसन्धान गरिरहेको प्रहरीले जनाएको छ ।