सरकारद्वारा थप तीन अध्यादेश जारी गर्न सिफारिस

काठमाडौं । सरकारले थप तीन वटा अध्यादेश जारी गर्न राष्ट्रपति समक्ष सिफारिस गरेको छ ।

रामचन्द्र पौडेलसमक्ष बुधबार विश्वविद्यालय, स्वास्थ्य तथा केही नेपाल ऐन संशोधनसम्बन्धी अध्यादेश जारी गर्न सिफारिस गरिएको राष्ट्रपतिको कार्यालय स्रोतले जनाएको छ ।

यसअघि सोमबार सरकारले सहकारी र संवैधानिक परिषद्सम्बन्धी दुई अध्यादेश जारी गर्न सिफारिस गरेको थियो ।

सरकारले पछिल्ला दिनहरूमा अध्यादेशमार्फत कानुन संशोधनको प्रक्रिया अघि बढाइरहेको छ ।