अन्नपूर्ण केबुलकार एक साता बन्द हुने

पोखरा । पोखराको अन्नपूर्ण केबुलकार एक साता बन्द हुने भएको छ । नियमित मर्मतका लागि केबुलकार बन्द गर्न लागिएको हो । असार ३१ देखि साउन ६ गतेसम्म केबुलकार बन्द हुने सूचना जारी गरिएको छ ।

साउन ७ गतेदेखि नियमित सञ्चालनमा आउनेछ । पोखरामा गत फागुन ६ गतेदेखि औपचारिक रूपमा पहिलो पटक केबुलकार सञ्चालनमा आएको हो ।

पोखराको सेदीदेखि सराङकोटसम्म २.५ किलोमिटर लामो केवलकार निर्माण अन्नपूर्ण केवलकार कम्पनीले गरेको हो ।