पोखरामा २४ सय मत गनियो, गठबन्धन अगाडि
मकालु खबर २०७९ जेठ १ गते
पोखरा । पोखरा महानगरपालिकाको मेयरमा पाँच दलीय गठबन्धनका तर्फबाट नेकपा एकीकृत समाजवादीका धनराज आचार्यले अग्रता कायमै राखेका छन् ।
पोखरा महानगरको वडा नम्बर १, २ र १२ को २ हजार ४०० मत गणना हुँदा आचार्यले ९ सय २३ मत प्राप्त गरेका छन् भने नेकपा एमालेका उम्मेदवार कृष्ण थापाले ८ सय ६ मत ल्याएका छन् ।
राप्रपा उम्मेदवार शंकर प्रसाद खरालले १ सय ४८ र स्वतन्त्र उम्मेदवार गनेस पौडेलले ५२ मत प्राप्त गरेका छन् ।
उपमेयरमा पनि गठबन्धनका तर्फबाट नेपाली कांग्रेसकी कोपिला रानाभाटले १ हजार २८ मत ल्याएकी छन् भने नेकपा एमालेकी मञ्जुदेवी गुरुङले ९ सय ४ मत पाएकी छन् । राप्रपा की उम्मेदवार रन्जना कुमारी सेन पौडेलले १ सय २८ मत प्राप्त गरेकी छन् ।
मकालु खबर २०७९ जेठ १ गते
प्रतिक्रिया
सम्बन्धित
