बार्सिलोना अध्यक्ष बार्टोमेउले दिए राजीनामा
मकालु खबर
२०७७ कार्तिक १२ गते
काठमाडौं । बार्सिलोनाका अध्यक्ष जोसेप मारिया बार्टोमेउले राजीनामा दिएका छन् । पछिल्ला दिनमा क्लबभित्र र समर्थकबाट बढ्दो दबाब खेपिरहेका उनले मंगलबार राजीनामा गरेका हुन् ।
सन् २०१४ मा अध्यक्ष बनेका उनीमाथि राजीनामाको दबाब बढ्दै गएको थियो । लियोनल मेस्सीलेसमेत अध्यक्षको सार्वजनिक रुपमै आलोचना गरेपछि उनको राजीनामा आएको हो । मेस्सी र अध्यक्ष बर्टोमेउको सम्बन्ध तनावपूर्ण हुँदा क्लबको प्रदर्शन राम्रो हुन नसकेको आरोप लाग्दै आएको थियो ।
उनीसँगै बार्सिलोनाको बोर्डका सबै सदस्यले पनि राजीनामा दिएका छन् । लामो समय बार्सिलोनाका अध्यक्ष बनेका बार्टोमेउकै नेतृत्वमा बार्सिलोनाले चार ला लिगा र एक च्याम्पियन्स लिगको उपाधि उचालेको छ । एजेन्सी
मकालु खबर
२०७७ कार्तिक १२ गते
प्रतिक्रिया
सम्बन्धित