एकैदिन ४७६ जनामा कोरोना पुष्टि, उपत्यकामा ८ थपिए
मकालु खबर
काठमाडौं । पछिल्लो २४ घण्टामा नेपालका विभिन्न जिल्लामा गरी थप ४७६ जनामा कोरोना भाइरस (कोभिड १९) संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले आज (सोमबार) को प्रेस ब्रिफिङका क्रममा यसबारे जानकारी दिएका हुन् । आज थपिएका संक्रमितमध्ये भक्तपुरका १, काठमाडौंका ६ र ललितपुरका एक जना लगायत अन्य विभिन्न जिल्लाका रहेका छन् ।
प्रवक्ता डा. गौतमका अनुसार थप ४७६ जनामा संक्रमण पुष्टि भएसँगै कुल संक्रमितको संख्या १३ हजार २४८ पुगेको छ ।
संक्रमितमध्ये ३ हजार १३४ जना उपचारपछि निको भएर फर्किसकेका छन् । पछिल्लो २४ घण्टामा मात्रै १२१ जना संक्रमित डिस्चार्ज भएका छन् । १० हजार ८५ जना विभिन्न अस्पतालको आइसोलेसनमा उपचाररत छन् ।
देशभर ५७ हजार ३६८ जना क्वारेन्टाइनमा रहेका छन् । पछिल्लो २४ घण्टामा ७ हजार ७९१ जनाको पीसिआर विधिबाट परीक्षण गरिएको छ ।
मकालु खबर
