उपसभामुख शिवमाया राजीनामा दिने तयारीमा
मकालु खबर
माघ ५, काठमाडौँ । आईतबार उपसभामुख शिवामाया तुम्वाहाङ्फे प्रधानमन्त्री निवास बालुवाटार पुगेकी छिन् । उनी प्रधानमन्त्री केपी शर्मा ओलीले बोलाएपछी बालुवाटार पुगेकी हुन् ।
नेकपाका दुई अध्यक्ष केपी शर्मा ओली र पुष्पकमल दाहाल प्रचण्डबीच आइतबार बिहान सभामुखमा सहमति भएपछि उपसभामुख शिवामायालाई बालुवाटार बोलाईएको हो ।
नेकपाले सभामुखमा उम्मेदवारी दिने घोषणा गरेपनि उम्मेदवारबारे टुङ्गो लाग्न ढिलाइ हुँदा आफ्नो पदबाट राजिनामा दिन ढिलाई गर्दै आईरहेकी उपसभामुख शिवमायाले सभामुखको टुङ्गो लागेपछी अब राजिनामा समेत दिने भएकी छिन् ।
बालुवाटारमा प्रधानमन्त्रीसँग आफ्नो राजीनामाबारे छलफल र आफूले राजीनामा दिएपछि संसद सञ्चालनबारे कुराकानी गर्ने उच्च स्रोतले बताएको छ ।
आइतबार बिहान बालुवाटारमा भएको नेकपा अध्यक्षद्धय ओली र प्रचण्डबीच अग्नि सापकोटालाई सभामुखको उम्मेदवार बनाउन सहमत भएका छन्।
सोमबार बस्ने प्रतिनिधि सभाको बैठकअघि संसदको जेष्ठ सदस्यलाई उपसभामुख शिवमायाले राजीनामा बुझाउने तयारी गरेकी छन्।
मकालु खबर
