आगजनीको विरोधमा विराटनगरमा टिपर व्यवसायीद्धारा सडक अवरुद्ध
मकालु खबर
माघ १८, विराटनगर । मोरङको सुन्दरहरैंचामा टिपरमाथि भएको आगजनीको विरोधमा विराटनगरमा टिपर व्यवसायीले सडक अवरुद्ध पारेका छन् ।
माघ १४ गते सुन्दरहरैंचामा ट्रिपरको ठक्करबाट बालिकाको मृत्यु भएपछि ७ वटा टिपरमाथि भएको आगजनीको विरोधमा विराटनगरमा टिपर व्यवसायीहरु प्रदर्शनमा उत्रिएका हुन् ।
null
विराटचोक खोर्सानेबाट विरोध प्रदर्शन गर्दै आएका टिपर व्यवसायीलाई प्रहरीले विराटनगर प्रवेशद्वारको ढाटमा रोकेपछि उनीहरुले करिब दुई सय टिपर सडकमा तेस्र्र्याएका छन् ।
आगजनीको विरोधमा टिपर व्यवसायीले क्षतिपूर्ति पाउनुपर्ने, दोषीलाई कारवाही हुनुपर्ने मागसहित आन्दोलनमा उत्रिएको पूर्वाञ्चल टिपर व्यवसायी संघका कोषाध्यक्ष सन्दीप सिंहले बताए ।
प्रदर्शनीमा उत्रिएका व्यवसायीलाई प्रहरीले विराटनगर गेटमा रोकेपछि सडक अवरुद्ध पारेका हुन् । प्रहरीले रोकेपछि व्यवसायीले सडकमै टिपर राखेर नाराबाजी गरिरहेका छन् ।
प्रहरीले बल प्रयोग गरी विरोध प्रदर्शन गर्न रोकेकाले व्यबसायीले सडक अवरुद्ध गरेका हुन् । माघ १४ गते टिपरको ठक्करबाट बालिका लक्ष्मी ढकालको मृत्यु भएपछि आक्रोशित स्थानीय वासिन्दाले सातवटा टिपरमा आगजनी गरेका थिए ।
मकालु खबर
