फागुन ११ गतेका लागि रिलिज डेट लिएको ‘रोमियो एण्ड मुना’ को प्रदर्शन मिति सर्यो

“

काठमाडौं, माघ ५ । फागुन ११ गतेका लागि रिलिज डेट लिएको चलचित्र ‘रोमियो एण्ड मुना’ को प्रदर्शन मिति पछि सरेको छ । सौगात मल्ल अभिनित चलचित्र ‘पञ्चेबाजा’ सोही मितिमा रिलिज हुने भएपछि  ‘रोमियो एण्ड मुना’ पछि हटेको हो ।

‘रोमियो एण्ड मुना’ अब चैत २ गतेबाट प्रदर्शनमा आउनेछ । चलचित्रमा सृष्टि श्रेष्ठ र विनय श्रेष्ठ मुख्य भूमिकामा छन् । चलचित्रलाई नरेशकुमार केसीले निर्देशन गरेका छन् ।

‘रोमियो एण्ड मुना’ को  गीत ‘स्याडविच मी…’ को भिडियो प्रशारण गर्न केही टेलिभिजन च्यानलहरुले प्रसारण गर्न अस्वीकार गरेको थिए ।

“