नेविसंघका अध्यक्ष महरसहित ६ जना पक्राउ

माघ २२, काठमाडौँ । प्रहरीले नेपाल विद्यार्थी संघका अध्यक्ष नैनसिंह  महरसहित ६ जनालाई पक्राउ गरेको छ । 

गत शनिबार पोखरामा सरकारी गाडी जलाउने आफ्ना कार्यकर्तालाई पक्राउ गरेको भन्दै विरोधमा उत्रिएका नेविसंघका कार्यकर्तालाई प्रहरीले नियन्त्रणमा लिएको हो । 

सार्वजनिक बिदाको दिन गाडी चलाएको भन्दै पोखरामा सरकारी गाडी जलाउने नेविसंघका तीन कार्यकर्तालाई प्रहरीले पक्राउ गरेर मुद्दा चलाएको छ । 

null

यसैको विरोधमा मिनभवनस्थित कमर्स क्याम्पसबाट नेविसंघ अध्यक्ष नैनसिंह महरको नेतृत्वमा निस्केको जुलुस बानेश्वरस्थित संसद भवन अगाडिको सडकमा आइपुग्नेबित्तिकै प्रहरीले हस्तक्षेप गरेको थियो । 

सरकारी गाडी जलाउनु गलत भएको बताएका कांग्रेस सांसद गगन थापालाई सोमबार पोखरा नेविसंघका कार्यकर्ताले कालोझण्डा देखाएका थिए ।