कुलेश्वरमा प्रहरीले चलायो गोली, लागु औषधसहित दुई जना पक्राउ

काठमाडौं । काठमाडौंको कुलेश्वरमा प्रहरीले गोली चलाएर लागुऔषधसहित दुई जनालाई पक्राउ गरेको छ ।

पक्राउ पर्नेमा एक नेपाली र एक भारतीय नागरिक रहेका छन् । लागुऔषध नियन्त्रण ब्युरोको टोलीले कुलेश्वर पुल नजिक उनीहरूलाई नियन्त्रणमा लिन दुई राउन्ड गोली प्रहार गरेको हो । घटनाका लागि ब्युरोबाट इन्स्पेक्टर राकेश यादव नेतृत्वको टोली खटिएको थियो ।

ब्युरोका एसएसपी सुवासचन्द्र बोहोराका अनुसार लागुऔषध कारोबारीलाई पक्राउ गर्ने क्रममा दुई राउन्ड गोली चलाइएको हो । उनीहरूको साथबाट ठूलो परिमाणमा औषधिजन्य लागुऔषध बरामद भएको प्रहरीले जनाएको छ ।

गोली लागेर भारतीय नागरिक घाइते भएका छन् । उनको देब्रे खुट्टामा गोली लागेको छ ।