सरकारले जनताको भावनाको कदर गरोस्ः दाहाल

काठमाडौं । राष्ट्रिय सभाका अध्यक्ष नारायणप्रसाद दाहालले सरकारले जनताको भावना र चाहनाअनुसार काम गर्नुपर्ने बताएका छन् ।

नेपाल राष्ट्रिय व्यवसायी महासंघले आईतवार काठमाडौंमा आयोजना गरेको एक कार्यक्रममा बोल्दै उनले सो कुरा बताएका हुन् । अध्यक्ष दाहालले नेपालमा २७ घण्टे आन्दोलनले नयाँ सरकार ल्याएको विश्वमा नै नयाँ दृष्टान्त भएको उल्लेख गर्दै सरकारले सोही अनुसारको जिम्मेवार भएर काम गर्नुपर्ने बताए ।

सरकारले जनताको भावनालाई कदर गर्दै अघि बढ्नुपर्ने अध्यक्ष दाहालले भनाई थियो । उनले बजेट आउनुअघि अर्थमन्त्रीसँग आफूहरुले विशेष छलफल गर्न चाहेको पनि बताए ।

अध्यक्ष दाहालले विश्वका विभिन्न ठाउँमा बढदो द्वन्द्वका कारण नेपालमा पेट्रोलियम पदार्थको मूल्य वृद्धि भएको कुरालाई ध्यानमा राखेर सरकारले सो समस्या समाधान समाधानका लागि अझै व्यवस्थित ढंगले कूटनीतिक पहल गर्न आवश्यक रहेको बताए ।