टिभिएस एनटर्क १.५ लाख पार, शिवपुरीमा भव्य ‘सेलिब्रेसन’ राइड
मकालु खबर
काठमाडौँ । नेपालका लागि TVS Motor Company को आधिकारिक विक्रेता जगदम्बा मोटर्सले NTORQ स्कुटर प्रयोगकर्ताको सङ्ख्या १ लाख ५० हजार पुगेको अवसरमा विशेष उत्सव मनाएको छ ।
नेपाली बजारमा आफ्नो बलियो उपस्थिति र लोकप्रियतालाई थप मजबुत बनाउँदै NTORQ ले यो ऐतिहासिक सफलता हासिल गरेको कम्पनीले जानकारी दिएको छ ।
यस खुसीयालीलाई मनाउन जगदम्बा मोटर्सले शनिवार NTORQ ओनर्स ग्रुप राइडको आयोजना गर्यो । TVS को नक्साल शोरुमबाट सुरु भएको उक्त यात्रा शिवपुरीस्थित ग्रिन भ्याली रिसोर्ट पुगेर समापन भएको थियो । राइडमा ५० जनाभन्दा बढी ग्राहकहरूका साथै २० जनाभन्दा बढी कन्टेन्ट क्रिएटर, मोटो भ्लगर र सञ्चारकर्मी गरी कुल ७० जनाभन्दा बढीको सहभागिता रहेको थियो ।
यो कार्यक्रम केवल एउटा यात्रा मात्र नभई NTORQ प्रेमीहरूका लागि एक साम्प्रदायिक उत्सव नै भएको कम्पनीले जानकारी दिएको छ ।
सहभागीहरूले सुरक्षित यात्रा र सामूहिक राइडिङ सम्बन्धी तालिम प्राप्त गर्नुका साथै एक–आपसमा आफ्ना अनुभवहरू समेत साटासाट गरेका थिए । मनोरञ्जनका लागि विभिन्न खेल र गतिविधिहरू समावेश गरिएको उक्त कार्यक्रममा विजेताहरूलाई आकर्षक उपहार र सबै सहभागीहरूलाई प्रमाणपत्र वितरण गरिएको थियो ।
जगदम्बा मोटर्सका उपाध्यक्ष दीपक रौनियारले यस अवसरमा बोल्दै भने ‘नेपालमा १ लाख ५० हजार चालकहरूको साथ पाउनु TVS NTORQ का लागि गौरवको विषय हो । यो हाम्रा ग्राहकहरूको अटुट विश्वास र उत्साहको प्रमाण हो । हामीले यो NOG राइडमार्फत ग्राहकहरूसँगको सम्बन्धलाई थप प्रगाढ बनाउनुका
साथै मनोरञ्जनात्मक र जिम्मेवार राइडिङको अनुभव प्रदान गर्ने प्रयास गरेका छौँ ।’
मकालु खबर
