इरानी पावर प्लान्ट र पुलहरूमा आक्रमण गर्ने अमेरिकी धम्कीप्रति संयुक्त राष्ट्र संघ चिन्तित

एजेन्सी । संयुक्त राष्ट्र संघले इरानको पावर प्लान्ट र पुलहरूमा आक्रमण गर्ने अमेरिकी धम्कीपूर्ण अभिव्यक्तिप्रति चिन्ता व्यक्त गरेको छ ।

इरानले सम्झौता नगरेमा पावर प्लान्ट, पुल र अन्य पूर्वाधारहरूमा आक्रमण गर्ने अमेरिकाले धम्की दिएको थियो । राष्ट्र संघ महासचिव अन्तर्राष्ट्रिय कानूनका मुद्दाहरूमा धेरै स्पष्ट रहेकाे र उनले फेरि सबै पक्षहरूलाई यी शत्रुताहरूको आचरण सम्बन्धी उनीहरूको दायित्वहरू पालना गर्न आग्रह गरेकाे उनका प्रवक्ताले बताए ।

ऊर्जा पूर्वाधारसहित नागरिक पूर्वाधारमा आक्रमण गर्न नपाइने र यदि विशिष्ट नागरिक पूर्वाधार सैन्य उद्देश्यको रूपमा योग्य भएपनि अन्तर्राष्ट्रिय मानवीय कानूनले अझै पनि तिनीहरू विरुद्धको आक्रमणलाई निषेध गरेको बताए । द्वन्द्व रोक्ने समय आएको भन्दै महासचिवले अन्तर्राष्ट्रिय विवादहरूको शान्तिपूर्ण समाधानको लागि कुनै व्यवहार्य विकल्प अरु नभएको बताएका छन् ।