पाकिस्तानद्वारा अफगानिस्तानमा रहेका आतंकवादी शिविर र पूर्वाधारमा हवाई आक्रमण

काठमाडौं । पाकिस्तानले अफगानिस्तानमा आतंकवादीहरू विरुद्ध जारी कारबाहीको एक भागको रूपमा तालिवानका अखडा र आतंकवादी शिविरहरूमा हवाई आक्रमण गरेको छ । हवाई आक्रमणमा काबुल, कान्दाहार र पक्तियामा रहेका चारवटा आतंकवादी आश्रयस्थल र अन्य सुविधाहरूलाई लक्षित गरिएको स्रोतले जनाएको छ ।

लक्ष्य प्राप्त नभएसम्म कारबाही जारी रहने पनि स्रोतले थपेको छ । यो घटनाक्रम यस्तो बेला आएको छ जब पाकिस्तानले फेब्रुअरीको अन्त्यमा सुरु गरिएको ‘अपरेशन गजब लिल हक’ (इन्साफको क्रोध) लाई निरन्तरता दिइरहेको छ ।

पाकिस्तानका संघीय सूचना तथा प्रसारण मन्त्री अताउल्लाह तरारले अफगानिस्तानमा जारी कारबाहीका क्रममा हालसम्म ६ सय ४१ आतंकवादी मारिएका र ८ सय ५५ भन्दा बढी घाइते भएको बताए ।