पर्यटन उद्योगको रुपमा ‘क्यासिनो’को वर्गीकरण गरिनुपर्छः पर्यटन विभाग
मकालु खबर
काठमाडौं । पर्यटन विभागका महानिर्देशक रामकृष्ण लामिछानेले क्यासिनो सञ्चालनसम्बन्धी विद्यमान व्यवस्थाले राज्यको राजस्व वृद्धि र व्यवसाय प्रवद्र्धनमा अपेक्षित योगदान दिन नसकेको बताएका छन् ।
राष्ट्रिय सभाको विधायन व्यवस्थापन समितिको बैठकमा पर्यटन विधेयकमाथिको छलफलमा बोल्दै महानिर्देशक लामिछानेले यस्तो बताएका हुन् ।
उनले कानूनले रोक लगाएको बाबजुद चार तारे होटलमा समेत क्यासिनो खेलाउने गरेको उजुरीहरु धेरै पर्ने गरेको बताए ।
उनले पाँच तारेमाथिका होटललाई मात्र क्यासिनो खेलाउन अनुमति दिइएकोमा लुकिछिपि साना होटलहरुले समेत खेलाउँदा राजश्व संकलन घट्नुका साथै पर्यटन प्रवद्र्धन हुन नसकेको बताए ।
महानिर्देशक लामिछानेले राज्यको वर्तमान आर्थिक अवस्थालाई ध्यानमा राखी क्यासिनोसम्बन्धी नीतिगत व्यवस्था सुधार गर्न आवश्यक रहेको बताए ।
क्यासिनोको वर्गीकरण गर्दै ठुला क्यासिनोले क्षेत्रफल विस्तार गर्न पाउने गरी विधेयक निर्माण गर्न उनको माग छ ।
बैठकमा बोल्ने अधिकांश सांसदहरुले रोयल्टीको आधारमा क्यासिनोहरुको वर्गीकरण गर्नुपर्ने धारणा राखेका छन् ।
मकालु खबर
