‘मेरो खुकुरी’ अभियानसँगै खुकुरी रमले मनायो नयाँ अध्यायको सुरुवात

काठमाडौं । नेपाल डिस्टिलरीज प्रा. लि.को प्रस्तुति, नेपालको आइकॉनिक ब्रान्ड खुकुरी रमले नोभेम्बर ५, २०२५ मा एक्स ओ क्लबमा आफ्नो नयाँ अभियान ‘मेरो खुकुरी’ सार्वजनिक गर्दै ब्रान्ड यात्राको नयाँ अध्याय सुरु गरेको छ ।

यस कार्यक्रममा कलाकार, क्रियेटर र युवा परिवर्तनकर्ताहरू एकै ठाउँमा भेला भई नेपाली गर्व, एकता र आत्म–अभिव्यक्ति को उत्सव मनाइयो ।

साँझको मुख्य आकर्षण रह्यो ओ.एम.जी. स्पार्क द्वारा प्रस्तुत “मेरो खुकुरी” संगीत भिडियोको पहिलो प्रदर्शन, एक जोशिलो गीत जसले आजका युवाहरूको ऊर्जा र नेपाली संस्कृतिप्रतिको गर्वलाई एउटै तालमा बाँधेको छ ।

कार्यक्रमको सञ्चालन रोनीश्मा श्रेष्ठले गरेकी थिइन् । ओ.एम.जी. स्पार्कको लाइभ प्रस्तुति, आकर्षक अनुभवहरू र “वान स्पिरिट. वान नेपाल.” भन्ने भावनाले भरिएको यो साँझले “मेरो खुकुरी” अभियानलाई जीवन्त बनायो ।

यस अभियानमार्फत खुकुरी रमले पुरानो दृष्टिकोण परिवर्तन गर्दै, आफ्नो पहिचानलाई नयाँ पुस्तासँग जोड्न खोजेको छ, एउटा यस्तो ब्रान्डका रूपमा, जुन केवल परम्पराको प्रतीक होइन, बरु आधुनिक नेपाली गर्व र पहिचानको प्रतीक हो ।