डलरको भाउ बढ्दा युरो र पाउन्ड कमजोर, कतिमा हुँदैछ कारोबार ?
मकालु खबर
काठमाडौँ । नेपाली बजारमा आज अमेरिकी डलरको भाउ बढेको छ भने युरोपेली युरो र बेलायती पाउन्ड स्टर्लिङको मूल्यमा गिरावट आएको छ। नेपाल राष्ट्र बैंकले आज (शनिबार) का लागि निर्धारण गरेको विदेशी मुद्राको विनिमय दरअनुसार कुबेती र बहराइन दिनारको मूल्य पनि बढेको छ।
पछिल्ला चार दिनदेखि लगातार उकालो लागेको अस्ट्रेलियन डलर, युरो र पाउन्डको भाउमा आज भने गिरावट देखिएको हो।
नेपाल राष्ट्र बैंकका अनुसार आज अमेरिकी डलर एकको खरिद दर १३८ रुपैयाँ १३ पैसा र बिक्री दर १३८ रुपैयाँ ७३ पैसा कायम भएको छ। हिजो (शुक्रबार) अमेरिकी डलर एकको खरिद दर १३७ रुपैयाँ ९६ पैसा र बिक्री दर १३८ रुपैयाँ ५६ पैसा थियो।
यसअघि गत माघ २५ गते अमेरिकी डलरको खरिद दर अहिलेसम्मकै उच्च विन्दुमा पुगेको थियो। त्यस दिन एक अमेरिकी डलरको खरिद दर एक सय ३९ रुपैयाँ ८३ पैसा र बिक्री दर एक सय ४० रुपैयाँ ४३ पैसा रहेको थियो।
आज युरो एकको खरिद दर १६१ रुपैयाँ ७९ पैसा र बिक्री दर १६२ रुपैयाँ ४९ पैसा तोकिएको छ। हिजो युरोको खरिद दर १६२ रुपैयाँ ०८ पैसा र बिक्री दर १६२ रुपैयाँ ७८ पैसा थियो।
त्यसैगरी, बेलायती पाउन्ड स्टर्लिङ एकको खरिद दर आज १८५ रुपैयाँ ६६ पैसा र बिक्री दर १८६ रुपैयाँ ४७ पैसा रहेको छ। हिजो यसको खरिद दर १८६ रुपैयाँ ८१ पैसा र बिक्री दर १८७ रुपैयाँ ६२ पैसा थियो।
अन्य प्रमुख मुद्राको अवस्था
अस्ट्रेलियन डलर: आज अस्ट्रेलियन डलर एकको खरिद दर ९० रुपैयाँ ६१ पैसा र बिक्री दर ९१ रुपैयाँ ०१ पैसा छ।
कुबेती दिनार: कुबेती दिनार एकको खरिद दर ४५२ रुपैयाँ ३८ पैसा र बिक्री दर ४५४ रुपैयाँ ३५ पैसा रहेको छ।
बहराइन दिनार: बहराइन दिनार एकको खरिद दर ३६६ रुपैयाँ ४८ पैसा र बिक्री दर ३६८ रुपैयाँ ०८ पैसा कायम भएको छ।
राष्ट्र बैंकले यो विनिमय दर आवश्यकता अनुसार जुनसुकै बेला पनि संशोधन हुनसक्ने जनाएको छ । साथै, वाणिज्य बैंकहरुले तोक्ने विनिमय दर फरक पर्न सक्ने र त्यसको अद्यावधिक जानकारीका लागि सम्बन्धित बैंकको वेबसाइट हेर्न सकिने केन्द्रीय बैंकले उल्लेख गरेको छ ।
मकालु खबर
