माउन्टेन ड्यूको ‘पिक्स अफ करेज’ अभियान सुरु

काठमाडौँ ।  माउन्टेन ड्यूले पहिलो पटक नेपालको हिमाल आरोहणको विरासतलाई पुनः परिभाषित गर्दै ‘पिक्स अफ करेज’ अभियान सुरु गरेको छ ।

नेपाल पर्यटन बोर्ड र डिस्कभरी च्यानलसँगको सहकार्यमा थालिएको यस अभियानले नेपालका धेरै प्रचारमा नआएका हिम शिखरहरूको बारेमा जानकारी प्रदान गर्ने कम्पनीले जनाएको छ ।

नेपालको हिमाल आरोहणको विरासतसँग सम्बन्धित साहसिक, साहस र अव्यक्त कथाहरूको मर्मलाई उत्सवमय रुपमा मनाइने यो एक प्रकारको आफ्नै किसिमको पहिलो सांस्कृतिक अभियान भएको कम्पनीले जनाएको छ ।

नेपाल पर्यटन बोर्डद्वारा उत्प्रेरित र डिस्कभरी च्यानलद्वारा संसारभर पुर्याइने  यस पहलले सगरमाथा बाहेकका अन्य नेपाली साहसिक शिखरहरूको बारेमा विश्वलाई चिनाउने बताइएको छ ।

दशकौँदेखि नेपालको हिमाल आरोहणको कथा प्रसिद्ध हिम शिखरहरूमै केन्द्रित रहँदै आएको छ । ‘पिक्स अफ करेज’ ले यो कथालाई चुनौती दिँदै नेपाल केवल सगरमाथाको घर मात्र नभई विश्वकै अधिक साहसिक आरोहणको भूमि पनि हो भन्ने बलियो यथार्थलाई उजागर गरिदिने कम्पनीले जनाएको छ ।

कम्पनीका अनुसार Immersive story telling मार्फत माउन्टेन ड्यूले मौसमी आरोहीहरू र नयाँ एडभेन्चरहरुलाई आमन्त्रण गरेर नेपालको चर्चामा नआएका शिखरहरूको बारेमा जानकारी गराउनेछ र यसले परिचित सीमाभन्दा परका साहसहरूको खोज गर्नेछ ।

‘पिक्स अफ करेज’ नेपाली युवाका नयाँ पुस्तालाई अभिप्रेरित गर्ने गरी तयार पारिएको कम्पनीले जनाएको छ । उनीहरूको हिमाल आरोहणको सम्पदामाथि रहेको गर्वलाई पुनः दाबी गर्ने र एडभेन्चर उनीहरूको पहिचानको एक अभिन्न हिस्साको रुपमा पुनः परिभाषित गर्ने उद्देश्य यो अभियानको रहेको जनाइएको छ ।