संसद् अधिवेशन अघि एमालेले बोलायो संसदीय दलको बैठक
मकालु खबर २०८१ माघ १३ गते
काठमाडौँ । नेकपा एमालेले संसदीय दलको बैठक बोलाएको छ । एमालेले मंगलबार दिउसो १ बजे बस्ने गरि संसदीय दलको बैठक बोलाएको हो ।
बैठक सङ्घीय संसद् भवनको ल्होत्से हलमा बस्ने एमालेका प्रमुख सचेतक महेश बर्तौलाले जानकारी दिए ।
सङ्घीय संसद् अधिवेशन सुरु हुनुअघि आवश्यक रणनीतिका लागि तय गर्नका लागि एमालेको बैठक बस्न लागेको हो ।
बैठकमा आउँदो अधिवेशनमा प्रस्तुत हुने नयाँ विधेयकका विषयमा पनि छलफल गरिने बर्तौलाले बताए ।
आउँदो १८ माघबाट सङ्घीय संसद्को अधिवेशन सुरु हुँदै छ । सरकारको सिफारिसमा राष्ट्रपति रामचन्द्र पौडेलले अधिवेशन आह्वान गरिसकेका छन् ।
मकालु खबर २०८१ माघ १३ गते
प्रतिक्रिया
सम्बन्धित
