आशिका तामाङ प्रहरी नियन्त्रणमा

काठमाडौं । सामाजिक अभियन्ता आशिका तामाङ बुधबार दिउँसो स्वयम्भुबाट पक्राउ परेकी छन् ।

तामाङलाई अभद्र व्यवहारसम्बन्धी मुद्दामा नियन्त्रणमा लिइएको जिल्ला प्रहरी परिसर काठमाडौंका एसएसपी बसन्त रजौरेले बताए । प्रहरी नियन्त्रणमा रहेकी तामाङमाथि थप अनुसन्धान भइरहेको छ ।

केही दिनअघि पशुपतिनाथ मन्दिर परिसरमा तैनाथ प्रहरीहरूमाथि दुर्व्यवहार गरेको आरोपमा प्रहरीले उनलाई पक्राउ गरेको हो ।