जन्मदिनमा अक्षयकोष स्थापना

काठमाडौं । पछिल्लो समय जन्मदिनलाई प्राथमिकता दिने जमात बढ्दै गएको छ । जन्मदिनमा विभिन्न परोपकारी काम, सहयोग, अन्य सामाजिक कार्य गर्नै चलन बढ्दै गएको छ ।

जन्मदिनमा फजुल खर्च गर्नुभन्दा सामाजिक सेवा र परोपकारी काम गर्ने चलन स्थापित भएको हो । जस अनुसार, अछामका एक युवाले पनि जन्मदिनमा फरक काम गरेका छन् ।

अछामको बान्नीगढी जयगढ गाउँपालिका वडा नम्बर ३ मालुकाटेका निवासी हाल कोरियामा रहेका दिनेश साउँदले जन्मदिनमा करि तुलसी अक्षयकोष स्थापना गरेका छन् ।

जयगढको सरस्वती माध्यामिक विद्यालयमा अध्ययनरत जेहेन्दार तथा विपन्न विद्यार्थीलाई सहयोगार्थ स्वरूप उनले २५ हजारको अक्षयकोष स्थापना गरेका हुन् ।

उनले स्थापना गरेको अक्षयकोषबाट आज तीन हजार बराबरको शैक्षिक सामग्री वितरण गरिएको हो । शैक्षिक सामग्री उनकी हजुरआमा लगायतका परिवारले हस्तान्तरण गरेका हुन् ।