मुग्लिनमा बस चलाइरहेका मेघनाथको ढुंगा लागेर मृत्यु

चितवन । भरतपुर महानगरपालिका-२९ स्थित १७ किलोमा लेदोसहितको ढुङ्गा लागेर बस चालकको मृत्यु भएको छ । नवलपरासीको सुनवल नगरपालिका-४ का ३६ वर्षीय चालक मेघनाथ विकको मृत्यु भएको हो ।

जिल्ला प्रहरी कार्यालय चितवनका प्रहरी नायब उपरीक्षक भेषराज रिजालका अनुसार बुटवलबाट काठमाडौँ जाँदै गरेको लु२ख ६५६६ नम्बरको बसका चालक विकलाई लेदोसहितको ढुङ्गाले लागेको थियो । आज बिहान दुर्घटनामा गम्भीर घाइते भएका विकको उपचारका क्रममा चितवन मेडिकल कलेजमा मृत्यु हो ।

दुर्घटनापछि बसमा सवार यात्रु अलपत्र परेका छन् ।