संसद सचिवालयका कर्मचारीहरूद्वारा संसदमा धर्ना (तस्बिरहरू)
मकालु खबर २०८१ असार ४ गते
काठमाडौँ । संघीय संसद सचिवालयका कर्मचारीहरूले संसद भवन परिसरमा विरोध प्रदर्शन गरेका छन् ।
मंगलबार आफ्नो माग पुरा गराउन कर्मचारीहरूले कालोपट्टि बाँधेर संसद् भवनभित्रै धर्ना दिएका हुन् ।
संघीय संसद्का पदाधिकारीहरू तथा सदस्यहरूको तलबमानमा मर्यादाक्रम अनुसार समयानुकूल संशोधन गरिनुपर्ने तथा समिति र उपसमिति बैठक सञ्चालन कार्यविधिलाई समयानुकूल बनाउनु पर्ने माग गरेका छन् ।
साथै, अतिरिक्त समय काम लगाए बापतको अतिरिक्त प्रोत्साहन भत्ताको व्यवस्था गर्नुपर्ने पनि उनीहरूले माग गरेका हुन् ।
यसअघि कर्मचारीको आन्दोलनलाई लिएर सोमबार प्रतिनिधि सभाका सभामुख देवराज घिमिरे र राष्ट्रिय सभाका अध्यक्ष नारायण दाहालले बैठक पनि राखेको भएपनि सहमति जुट्न सकेन ।
हेर्नुहोस् तस्बिरहरू :
मकालु खबर २०८१ असार ४ गते
प्रतिक्रिया
सम्बन्धित
