वैवाहिक बलात्कार मुद्दामा न्यायाधीश गिरीलाई ७ वर्ष जेल र ३ लाख जरिवाना
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ जेठ २९ गते
![वैवाहिक बलात्कार मुद्दामा न्यायाधीश गिरीलाई ७ वर्ष जेल र ३ लाख जरिवाना](https://www.makalukhabar.com/wp-content/uploads/2024/04/Bhuvan-Giri-mk.jpg)
काठमाडौं । जिल्ला अदालत काठमाडौंले पूर्वन्यायाधीश भुवन गिरीलाई जबरजस्ती करणी मुद्दामा दोषी ठहर गर्दै सजाय निर्धारण गरेको छ ।
मंगलबार काठमाडौं जिल्ला अदालतका न्यायाधीश दुर्गाबहादुर भुसालको इजलासले गिरीलाई पूर्वश्रीमतीको सहमति बेगर शारीरिक सम्पर्क राखेको ठहर गर्दै ७ वर्ष कैद सजाय सुनाएको हो ।
गिरीलाई गत जेठ १३ गते जिल्ला अदालत काठमाडौंले बलात्कार मुद्दामा दोषी ठहर गरेको थियो। सोही आधारमा आएको फैसला अनुसार ७ वर्षको कैद सजायसहित ३ लाख रुपैयाँ क्षतिपूर्ति भराउने फैसला सुनाएको हो ।
गिरी जिल्ला अदालत कपिलवस्तुमा कार्यरत रहेको अवस्थामा उनीविरुद्ध बलात्कारको उजुरी परेको थियो । यसअघिकै अदालतको फैसला अनुसार उनी थुनामा रहेका छन् ।
![](https://www.makalukhabar.com/wp-content/uploads/2023/10/Final-icon-Logo-2023.png)
२०८१ जेठ २९ गते
प्रतिक्रिया
सम्बन्धित